LA UNION – Nagsagaba ti sugat iti kannawan a lapayag ken maipagarop a binekkel
pay iti suspek iti maysa a 22-anyos a baro, kalpasan a nag-iinom dagitoy iti balay ti managan Jeff Rilloraza iti Barangay Poro, San Fernando City, La Union.
Iti biktima ket managan Joel Malono bayat a ti suspek ket nabigbig a ni Junjun Dango, agpada nga agideg ti nasao met laeng a lugar.
Saan pay met a nalawag nu anya ti makagapo iti insidente.
Ngem maibasar iti initial investigation dagiti otoridad, maipagarop a sinurot ti suspek iti biktima idi malpasen nga ag-iinom dagitoy.
Bayat a magmagna iti biktima, kellaat met lattan a binagsol ken binekkel ti suspek iti biktima manipud iti likudan daytoy, ngem nagasat a saan a napurwan.
Dagus a naiturong ti biktima iti Ilocos Training and Regional Medical Center (ITRMC) tapno maagasan.
Kabayatanna, an-anopen dagiti otoridad iti suspek a naglibas kalpasan ti insidente.
