LA UNION – Maibunong iti mabiit iti 22 a barbaro a patrol cars kadagiti 22 a barangay idiay San Juan, La Union.
Daytoy iti naragsak nga impadamag ni La Union Gov. Francisco Emmanuel Ortega III, kagiddan iti naisayangkat a mass oathtaking dagiti nangabak a barangay officials iti napalabas a May elections.
Segun kenni Gov. Ortega, maur-uray laengen iti pannakaiyurnos dagiti dokumento sakbay a maiturn-over dagiti patrol cars kadagiti barangay.
Daytoy ket sungbat iti impasa a resolusyon dagiti barangay councils manipud iti 41 a pakabuklan a barangay ti nasao nga ili, iti provincial government.
Malaksid kadagiti 22 a patrol cars, sumarsaruno met iti dadduma pay a barangay a maikkan ti patrol car, a nairanta nga usaren ti barangay a pagpatrolya ken nu adda ti emerhensiya iti uneg ti barangay.
