LA UNION – Umaboten it 22,668 ti bilang dagiti naaresto ken simmuko a drug personalities iti Region 1.
Iti pannakiuman ti Bombo Radyo La Union kenni Bismark Bengwayan, information officer ti Philippine Drug Enforcement Agency Regional Office 1, kinuna nga resulta daytoy iti nainget a kampyada ken operasyon kontra iti illigal a droga.
Maibasar iti nasao a bilang, kaaduan ditoy ket iti probinsya ti Pangasinan nga umabot iti 12,038; La Union (4,803); Ilocos Norte (4,228) ken Ilocos Sur (1,619).
Impasigurado met ti PDEA iti pannakikoordinar kadagiti otoridad nga agtultuloy ti operasyonda kontra kadagiti personalidad a mangisaysayangkat ti illigal a droga.
