LA UNION – Umabot iti 230 fishing boat owners ti nangala iti free fishing vessel insurance idiay syudad ti San Fernando, La Union iti sidong ti Philippine Crop Insurance Corporation ti Department of Agriculture.
Iti pannakiuman ti Bombo Radyo, kinuna ni San Fernando City Fishery Coordinator Floricel Obenia a babaen ti nasao nga insurance ket mabalin a makatulong daytoy kadagiti fishing boat owners lalo no nadadael iti bilogda gapu iti kalamidad kas iti bagyo.
Mangipaay ngamin iti tulong ti Philippine Crop Insurance Corp. para ti panangtarimaan kadagiti bilog a nadadael gapu iti kalamidad.
Kabayatanna, base iti listaan ti San Fernando City Agriculture Office, nasurok a 500 ti bangka iti nakaregistro iti syudad.
Gapu iti daytoy, al-allukuyen ti nasao nga opisina dagiti amin nga addaan ti fishing boat a mangala iti libre nga insurance.
