LA UNION – Natalimudaw dagiti 24 nga esuyante gaputi nakaru a kinapudot ti tiyempo bayat iti insayangkat nga earthquake drill ti Bacnotan National High School idiay Bacnotan, La Union agarop alas 2:55 ti malem idi kalman.
Dagus a naiturong idiay Bacnotan District Hospital dagiti estudyante nga agtawen ti 11 agingga 17 manipud naduma-duma a year level.
Kabilang pay a naiturong iti nadakamat a pagagasan iti School Principal gaputi ngimmatu a blood pressure daytoy.
Iti pannakiuman ti Bombo Radyo La Union kenni Dr. Seves Corpuz, attending physician a nangtaming kadagiti pasyente, kinuna na a nakapasar dagiti estudyante iti hyperventilate syndrome ken hypoglycemia.
Gaputi dayta, imbalakad ni Dr. Corpuz kadagiti amin nangruna kadagiti agad-adal a sakbay a makipaset iti kapada nga aktibidad ket siguradwen nga adda nagyan iti tiya wenno nangan, kitaen ti kinatalged iti lugar ken ikonsidera iti kasasaad ti paniempo, agsipudta saan a padapada kunana iti resistansiya iti tao.
Segun kenni Dr. Corpuz, nakarwaren idi met laeng kalman dagiti pasyente kalpasan a nataming dagitoy ken naipaayan da ti taraon sakbay dagitoy a na-discharge.
