LA UNION – Arestado iti maysa a 25-anyos a baro iti insayangkat a buy bust operation iti nagtipon a puwersa ti Bacnotan Police Station, La Union Provincial Intelligence Unit, ken PDEA Region 1, idiay Barangay Maragayap, Bacnotan, La Union.
Iti suspek ket nabigbig iti nagan a Mike Almoite, residente ti Barangay Galongen ti nasao met laeng nga ili.
Nakumpiskar kenkuana iti pakadagupan a tallo a pidaso ti transparent plastic sachet a maatap a shabu, agdagsen ti 1.3 grams ken agbalor ti P9,000.00
Kinumpiskar pay dagiti otoridad iti maysa a pidaso ti P1,000 bill kas buy bust money ken pito a pidaso ti P1,000 bill a nagserbi a boodle money.
Segun kenni PMaj Reginaldo Dalipias, agdama a hepe ti pulisiya idiay Bacnotan, sakbay a naarestar ti suspek ket naipasidong nga immuna iti surveillance dagiti otoridad.
Iti suspek ket sumangsango ita iti kaso a panaglabsing iti RA 9165.
