25-anyos a babae a wanted iti kaso nga attempted murder, arestado idiay Bangar, La Union
LA UNION – Iti pagbaludan ti nagtungpalan iti maysa a 25-anyos a babae kalpasan nga arestaren dagiti otoridad gaputi kaso a gandat a pammapatay wenno attempted murder.
Iti suspek a saan metten a nainaganan ket residente ti Barangay Ma. Cristina Bangar, La Union.
Naarestar daytoy, maiyannurot iti mandamiento de aresto, a napetsaan ti Hulyo a-5, agdama a tawen, nga impaulog ni Judge Manuel R. Aquino ti RTC, Br. 34 idiay Balaoan, La Union.
Agtaltalinaed ti suspek iti pagbaludan ti BJMP Balaoan kalpasan a mapaay nga agbayad ti piyansa na nga umabot iti P150,000.00
