LA UNION – Gaputi ragsak ken panagyaman iti pamilya na ket dagus a nagrambak dagitoy iti pannakaipasa ti first-ever digital bar examination ni Atty. Charlene W. Millares manipud Santol, La Union.
Iti eksklusibo nga interview ti Bombo Radyo La Union iti bar passer a ni Atty. Millares, kinuna na a naragsak da amin a sangka-pamilya nangruna iti nagannak na, agsipudta paid off amin a rigat ken sakripisyo a napasaran da iti tengnga ti pandemya, manipud rugi ti panag-review na agingga a nairuar ti resulta ti eksaminasyon idi kalman, Abril 12.
Siniguro nga immuna ni Atty. Millares a pimmasa daytoy sakbay da a nag-celebrate.
Nupay adu kunana dagiti maaw-awat na a congratulatory message, ngem inurayna nga immuna iti listaan nga inruar mismo ti Supreme Court En Banc ket nakumpirma na a pasado daytoy.
Aminado ni Atty. Millares, a saan a nalaka iti bar examination ket narig-rigat pay a sungbatan kunana dagiti simple a question.
Ni Atty. Charlene Waylan Millares ket 26-anyos, balasang, anak ni retired P/Lt. Colonel Millares, ken tubo ti Poblacion, Santol, La Union ken maysa itan a naan-anay a CPA lawyer.
Maysa laeng ni Atty. Millares kadagiti 8,241 a bar-baro a bar passers, manipud iti pakabuklan nga 11,402 examinees iti first digitalize Bar exam.
Nairuar idi kalman, Abril 12, iti listaan dagiti pimmasa iti nasao nga eksaminasyon wenno kaibatugan daytoy iti passing rate a 72.28%.
Segun kenni Supreme Court associate justice ken Bar Examinations chairperson Marvic Leonen, umabot iti 14 a Bar takers iti nakagun-od ti “excellent performance” kalpasan a dimmanon iti nagun-od da a grade iti nasur-surok ngem 90%.
Iti naisayangkat a press conference idi kalman, sakbay a nairuar ti listaan ti nagan dagiti pimmasa, imbaga ni ni Leonen a kadagiti 14 a nakagun-od ti excellent performance, uapat kadagitoy ket manipud University of the Philippines, dua ti graduates iti Ateneo de Manila University ken iti University of San Carlos, ken saggaysa manipud Arellano University, Ateneo de Davao, FEU, San Beda, University of Cebu, ken University of Cordillera.
