Inarestar ti Philippine National Police Anti-Cybercrime Group (PNP ACG) ti saan a bumaba ti 26 nga indibidwal para kadagiti nagduduma a panaglabsing ti cybercrime law manipud Agosto 3 agingga Agosto 9.
Inwaragawag ni ACG Director Police Brigadier General Bernard Yang a manipud kadagitoy a bilang ket 18 ti natiliw kadagiti entrapment operations bayat a walo met dagiti wanted persons a naarestar ti naisina nga unit operations.
Segun pay kenni General Yang, nakaipilan ti convictions iti unit da kadagiti dua a suspek gapo kadagiti cybercrime related cases dagitoy.
Kabayatanna, ti makalawas nga operasyon ket nagresulta kadagiti 22 cyber warrants, 34 a naipila a kaskaso, ken 15 ti naipasidong ti inquest proceedings.
