LA UNION – Emosyunal a pinaglibakan ti maysa a 28-anyos a balasang nga adda pakainaigan na iti transaksiyon ti iligal a droga.
Daytoy ket kalpasan a nakumpiskaran ti suspek iti maysa a heat sealed transparent plastic sachet ti mapapati a shabu, maysa a genuine P1,000.00 bill ken uppat a pidaso ti boodle money a P1,000.00 bill, iti anti-drug operation ti Philippine Drug Enforcement Agency (PDEA).
Napasamak ti operasyon agarop alas 12:30 itay tengngat parbangon iti maysa a pag-iinuman iti Barangay Parian, San Fernando City, La Union.
Segun pay iti suspek a residente ti Barangay Sevilla ditoy syudad, nagturong iti nasao a bar kadwa iti boyfriend na ken sumagmamano a sigud a high school friends daytoy tapno ag-iinom, idi mapasamak ti insidente.
Iti suspek a posible a maidatagan ti kaso a panaglabsing iti R.A. 9165 ket adda ita iti custodiya dagiti otoridad para iti umno a disposisyon.
