Agtultuloy nga am-amuen ti pulisya iti makagapu ti maipagarop a panagpakamatay ti maysa a 28-anyos a balasang iti uneg ti pagpapaayan na a balay idiay Barangay Agtipal, Bacnotan, La Union agarop alas 9:40 itay bigat.
Nabigbig iti biktima a ni Jocelyn Buen, residente ti nasao a lugar.
Segun kenni PCI Reynaldo Soria, hepe ti Bacnotan Police Station, nagsagaba ti maysa a tama ti bala iti ulo sni Buen.
Naamuan nga impakaammo ti ama na a ni Leornado Buen ti napasamak iti anak na iti uneg ti balay ni Adelio Novencio.
Makunkuna a maysa a cal. 22 nga paltog ti inaramat ti biktima iti panagpakamatay na maibasar kadagiti nakalap nga ebidensya dagiti pulis.
Iti agdama, saan pay nga ammo ti rason ti panagpakamatay ti balasang.
Siguden a pinanggep ti biktima a kittelen ti biag na.
