LA UNION – Rinugyan idi Lunes, Hunyo 22, ti Department of Social Welfare and Development (DSWD) Region 1 nga ipaay iti 2nd tranche ti SAP para iti nasurok 53,300 waitlisted benificiaries iti intero nga Ilocos Region.
Naamwan ti Bombo Radyo La Union kenni DSWD-1 information officer Darwin Chan, nga immuna nga immawat ti ayuda dagiti 181 a pamilya idiay Balaoan, La Union.
Idi kalman, June 23, naisayangkat ti SAP distribution kadagiti benificiaries idiay ili ti Bauang, Caba, Luna, Nagulian ken Sto Tomas, La Union.
Ditoy probinsiya ti La Union adda ti pakabuklan a 3,311 dagiti waitlisted benificiaries.
Idiay Ilocos Norte – 1,324; Ilocos Sur – 7,985; ken Pangasinan- 44, 682.
Naminsan pay nga impaganetget ni Chan, a ti maipaayan laeng ti nasao nga ayuda ket dagiti na-assess ken na-validate a saan a naipaayan idi immuna a tranche ti Social Amelioration Program (SAP), a naapektaran iti COVID 19 pandemic.
