LA UNION – Tallo pay a barangay idiay ili ti Aringay iti indeklaran ti Phil. Drug Enforcement Agency (PDEA)-La Union a drug cleared.
Pakaibilangan ditoy iti Barangay Pangao-aoan East, Mangga, ken Barangay Samara.
Indeklara ti PDEA a drug cleared dagiti nasao a barangay kalpasan iti insayangkat a validation ken assesment ti regional oversight committee, maiyannurot iti Dangerous Drug Board (DDB) Regulation No.3 series of 2017 wenno implementasyon ti Barangay Drug Clearing Program a Barangay Anti-Drug Abuse Council (BADAC).
Iti ili nga Aringay ket buklen ti 24 a barangay ngem siyam pay a barangay iti saan pay a nadalusan manipud iti iligal a droga.
Kabayatanna, umaboten iti 424 a barangay iti intero a probinsiya iti naan-anayen a naideklara a drug cleared.
Adda pay iti nabatbati a 77 a barangay ditoy La Union iti saan pay a nadalusan iti iligal a droga.
Pito metten nga ili iti naideklara kas drug cleared municipalities, a pakaibilangan iti ili ti Balaoan, Burgos, Caba, Pugo, Rosario, Santol, ken Sudipen, la Union.
