LA UNION – Tallo a lallaki iti napaltugan bayat nga ag-iinom dagitoy iti pagtaengan ti managan Ricardo Sabado idiay Brgy Corro-oy, Santol, La Union agarop alas 9:00 idi rabii.
Daytoy ket kalpasan nga inawagan da a ” supot ” iti suspek, nabigbig iti nagan a Mac Joel Obedoza y Fontanilla, 30, residente ti nadakamat a barangay.
Dagiti met biktima ket nabigbig nga isuda: Aljon Oribio, 24; Harry Sabado, 17-anyos; ken Jayson Sabado, 20, pada-pada a residente ti nasao a lugar.
Base iti initial investigation dagiti kameng ti Santol Police Station, lumabas koma ti suspek iti lugar a pag-iinuman dagiti biktima ngem maipagarop nga impukkaw dagitoy iti balikas a ‘ SUPOT.’
Nagawid iti suspek ngem nagsubli daytoy nga armado ti paltog.
Maysa a kalibre 45 iti inusar ti suspek a nangpaltog kadagiti biktima.
Agtultuloy iti imbestigasyon dagiti otoridad iti nasao nga insidente.
