Nangisayangkat ti Criminal Investigation and Detection Group (CIDG) kakadwa iti militar ti maysa nga operasyon kontra kadagiti most wanted ken high-profile fugitives ti intero a pagilian.
Idi Agosto 9, 2025, inserbi dagiti otoridad ti maysa a warrant of arrest idiay Brgy. Lamin, Lumbayanague, Lanao del Sur, nu sadino ket tallo a lallaki ti naarestar. Nabigbig dagitoy ti alias names nga “Abu Zacaria,” “Al Wala,” ken “Asnawi” .
Kabayatanna, tallo met nga wanted individual nga isuda “Anwar Rahman” “Abdullah” ken “Nahara” ti pimmusay iti operasyon gapo gapo ta limmaban da ken naaddaan da iti engkwentro kontra kadagiti otoridad.
Dagiti suspek ket addaan ti kaso a murder ken homicide ken agpapada a miembro ti Dawlah Islamiya Maute Group (DI-MG) ken nakailista iti AFP Periodic Status Report 2023.
Babaen ti clearing operations, nakumpiskar kadakuada dagiti nagduduma nga armas kas kadagiti explosives ken dua nga ISIS flags.
Kabayatanna, napagammoan met a nakatakas ni Amerol Usman, ti maibilbilang nga Amir wenno lider ti Maute – ISIS bayat a maysa a soldado met iti nadunor nga ita ket addan iti natalged a kondisyon.
