BR LA UNION – Kinumpirma ni Consul General Senen Mangalile ti Philippine Consulate General in New York a nakarwaren iti ospital dagiti tallo a Pinoy a karaman iti nagcrash a tour bus idiay New York idi napan a lawas.
Segun kenni Mangalile, dagiti tallo a Pinoy ket pada-pada nga overseas Filipino workers (OFW) idiay Qatar ken bumis-bisita idiay US.
Immuna a naiturong da idiay Buffalo, New York kalpasan ti insidente.
Dua kadagiti biktima ket lallaki nga agpada a nagpasar ti minor injuries bayat a ti maysa a babae ket nakitaan ti head trauma ngem dagus a naagasan.
Nagsasaruno a rimwar iti ospital dagiti tatlo ken naitulod dan idiay New York City, babaen ti bus nga impaay ti tour company.
Kabayatanna, maki-sinnarak iti konsulada idiay New York kadagiti tallo a Pinoy inton bigat, Aug. 26, oras ditoy Pilipinas.
Segun kenni Consul General Mangalile, tumulong ti opisina na para iti kanayunan a pagkasapolan dagiti Pinoy tapno masiguro nga agsubli a nasayaat iti trabaho idiay Qatar, kasaruno ti bus crash.
Iti agdama, addan iti nasayaat a kondisyon dagiti 3 a Pinoy maibasar iti kasasaad ken maibasar iti sertipikasyon dagiti nangkita a doktor.
