LA UNION – Natay dagiti tallo a rebelde nga NPA iti 10-minuto a rinnupak idiay Brgy. San Alejandro, Quezon, Nueva Ecija idi rabii ti Agosto 4.
Base iti report nga indanon iti Bombo Radyo La Union ni Lieutenant Colonel Honorato S. Pascual Jr., Commanding Officer ti 84th Infantry Battalion, iserbi da koma iti maysa a Warrant of Arrest kontra iti managan Nicomendez Ortiz alias Bunso/Peter/Dagohoy, idi kellaat a nagpaputok dagiti rebelde.
Bimmales met ti putok iti nagtipon puwersa a Phil. Army ken Nueva Ecija PNP a nagresulta iti pannakatay dagiti tallo arebelde.
Ni Ortiz iti matudtudo a lider ti Special Partisan Unit (SPARU) ti NPA ken Finance Officer ti Komiteng Larangan Gerilya (KLG) Sierra Madre.
Sumangsango daytoy iti kaso a rebelyon ken murder.
Nabigbig met iti dua a kakadwa na a natay met laeng iti nasao nga operasyon, nga isuda Bernardino Liberato ti Brgy. Sto Tomas Feria, Quezon ken Merlita Ogalinola ti Brgy. San Vicente Cabiao, Nueva Ecija.
Nakarekober dagiti otoridad manipud iti posesyon dagiti suspek iti naduma-duma a klase ti paltog, bala ti paltog, maysa a granada, motorsiklo nga adda sidecar na ken dadduma pay.
Iti grupo ni Ortiz iti makunkuna nga agar-aramid ti panagkikilan ken coercion activities idiay Nueva Ecija.
