LA UNION – Nailista ti Department of Health (DOH) iti 3 a tattao a natay kalpasan a nairaman iti aksidente iti kalsada ita a holiday season.
Segun iti ahensiya, 2 kadagiti biktima ket nagsagaba iti nakaro a sugat ti ulo gaputa awan ti suot da a helmet bayat ti panaglugan da iti motorsiklo.
Dagiti natay ket karaman iti inisyal a bilang dagiti nairaman iti aksidente iti kalsada a dumanon iti 350 a kaso a nairekord manipud idi Disyembre 22 agingga ita nga aldaw ti Sabado, Disyembre 28. Dagiti 66 ket baro a kaso.
Iti pakabuklan a bilang, 63 kadagiti na-aksidente ket nakainom ti arak, 306 iti saan a nagusar ti safety accessories ken 239 ket gapu iti aksidente iti motorsiklo.
Gaputi ngumatngato a bilang dagiti aksidente iti kalsada, nagpalagip manen ti DOH iti publiko nga agsuot ti helmet para kadagiti agmot-motorsiklo ken mag-seatbelt para kadagiti agman-maneho ken uray dagiti pasahero .
Liklikan met ti agmaneho nu nabannog wenno nakainom ti arak, suruten iti naituding nga speed limit ken road sign tapno maliklikan iti aksidente ken siguradwen a naturog ti 7-8 oras sakbay nga agbiyahe ken liklikan ti agusar ti cellphone bayat nga agman-maneho.
