LA UNION – Isagsaganan pulisya ti kaso a panaglabsing iti Comprehensive Dangerous Drugs Act kontra kadagiti tallo a drug personalities a naaresto gapu iti maipagarup a panaglako dagitoy iti droga idiay Barangay Bacuit Sur, ili ti Bauang, La Union.
Nabigbig dagiti suspek nga isuda Joeviriz Jose, 30; Denny Rose Cantor, 18; ken Aiza Dacasin, 34, agpapada a residente ti Las Piñas City.
Iti naisayangkat nga operasyon ti Philippine Drug Enforment Agency (PDEA) ken Philippine National Police (PNP) ket nakompiskar manipud iti ikot dagiti suspek iti 10 sachet a naglaon iti maatap a shabu nga agtimbang iti 50 grams ken agbalor iti P340,000.
Karaman kadagiti narekobre iti otoridad ti tallo a sachet a nalaon iti maatap a marijuana, P10,000 a boodle money ken P2,000 a kwarta a naaramat iti transaksyon.
Adda ita iti salwad ti Bauang Police Station dagiti nadakamat a suspek.
