LA UNION – Arestado dagiti tallo a babbai kalpasan a maaktuan dagitoy nga agsusugal idiay Barangay Sto. Rosario West, ili ti Aringay, La Union.
Naammuan ti Bombo Radyo manipud ti Aringay Police Station, maipagarup nga agay-ay-ayam iti tong-its dagiti suspek idi a masangpetanda dagitoy.
Nakompiskar manipud iti salwadda ti baraha ken P253 a kwarta a taya dagitoy iti sugal.
Naruk-atan met laeng dagiti nasao a babbai kalpasan a nagmultada gapu ti panaglabsing ti Anti-illegal Gambling Municipal Ordinance ti nasao nga ili.
