LA UNION – Inyawiden ti pamiliada ti bangkay dagiti tallo a babbai a naibelleng iti maysa a dike idiay Barangay Bangar, Rosario, La Union.
Segun ken ni PCI Bernabe Oribello, hepe ti Rosario Police Station, pasig a taga-San Carlos City idiay probinsia ti Pangasinan dagiti biktima.
Naamuan a nagturong dagitoy idiay Baguio City idi Pebrero 7, aldaw ti Martes ngem saandan a nakaawid pay ken nasarakan laengen ti bangkayda iti kabigatanna.
Binigbig ni Oribello dagiti biktima a da Evangeline Ballesteros, 33; Marilyn Sampaga, 29; at Belinda de Vera, 41, agpapada nga addaan iti asawa ken residente iti Barangay Bolosan.
Saan pay a nalawag no ania ti inaramidda idiay siudad ti Baguio ken no sadino dagitoy a napapatay.
Agingga iti agdama ket dukduktalen dagiti otoridad ti motibo ti pammapatay kadagiti nasao a biktima. (PLAD)
