LA UNION – Natalgeden iti kasasaad dagti tallo a lallaki a biktima iti napasamak a pammaltog idiay Barangay Corro-oy, ili ti Santol, La Union.
Iti pannakiuman ti Bombo Radyo kenni Capt. Hermy Acheta, hepe ti Santol Police Station, kinunana nga adda pay laeng idiay ospital dagiti biktima ken agtultuloy nga agpapaimbag gapu iti nilak-am a sugat dagitoy iti bagi.
Maisagsagana metten ti kontra iti suspek a ni Ricardo Sabado a nakabalud ita iti nasao a kwerpo ti pulisya.
Base base iti imbestigasyon, maipagarup a linaawan ken inawagan ti suspek a “supot” iti grupo dagiti biktima nga agiinom a nagbanag iti nabara nga argumento.
Agapaman a nagawid ti suspek ngem maipagarup a ti panagsublina ti nasao a lugar ket pinaltuganna dagiti biktima.
Maipagarup a sigud a susik ti agkakabagyan ti makagapu a rimsua ti panagapa iti agsinnubangir a benneg.
