Kinumpirma ti Department of Justice a naan-anayen a naresolbar dagiti lima a reklamo nga impila ti Bureau of Internal Revenue kontra kadagiti agassawa a Curlee ken Sarah Discaya.
Daitoy mismo iti inbinglay ni Justice spokesperson Atty. Polo Martinez, idi nadamag iti nagrang-ayanen dagiti agassawa ken innayon a nakatudingen a mapilaan da sadiay Court of Tax Appeals kalpasan a madakamat ti prosekusyon iti reklamo.
Maibasar iti nagbalin a resolusyon, nakita iti ‘prima facie of evidence with certainty of conviction’ wenno natibker nga ebidensya a mangpaneknek iti alegasyon.
Mapilaan da ti panaglabsing ti Section 154 ken 155 ti National Internal Revenue Code.
Natakuatan dagiti panel of persecutors a napaay dagiti Discaya nga ibinglay dagiti umno nga impormasyon kadagiti ‘Income Tax Returns’ da para ti Taxable Year 2020 ken 2021.
Pinasingkedan met ni Justice Spokesperson Martinez nga imbasura ti prosekusyon dagiti tallo nga excise tax cases agsipud ta saan met nga ‘importer’ dagiti dua, mainaig paylaeng iti panagtagikua da kadagiti luxury cars.
