LA UNION – Natalgeden manipud iti COVID 19 iti maysa a maladaga nga immunan a nagpositibo iti sakit idi Abril 27 ken maysa kadagiti 21 a nailista a kaso ditoy La Union.
Base iti official statement ng Provincial Governor ti La Union, nakatuding a rumuar ita nga aldaw, May 20, manipud isolation facility ti 4 mos old baby.
Ti nasao a maladaga ket taga Barangay Biday, San Fernando City, La Union.
Iti met latest COVID 19 test reports iti probinsiya, awan iti nag-positive ken 60 dagiti negative results.
Kabayatanna, mangnamnama ti lokal a gobyerno a maartapan ti sakit dagiti tallo pay a pasyente nga agtaltalinaed iti ospital ken isolation facility.
Kalpasan nga immimbag ti maladaga, 14 itan ti total recoveries ditoy La Union manipud iti 21 confirmed cases ken uppat dagiti natay.
