LA UNION – Tallo a tattao iti nadun-dunor iti napasamak nga aksidente wenno panag-dinnungpar iti dua a motorsiklo idiay San Juan, La Union.
Dagiti biktima ket pakaibilangan iti dua a motorcycle rider nga isuda:
John Lester Fontanilla, 21, baro, residente ti Barangay Cacapian, San Juan ken
Jun Andaya, 33, addaan ti asawa, taga Barangay Bumbuneg, San Gabriel
Kasta metten iti backride ni Fontanilla a managan Jennifer Fuentes, 22-anyos.
Maibasar iti report, agpada nga agtur-turong iti daya a direksiyon dagiti dua a motorsiklo, idi nga agsikko ni Fontanilla a sumrek koma iti barangay road, ngem dita metten a madungpar ni Andaya.
Kas resulta, agpada a natumba dagiti dua a motorsiklo ken nagsagaba ti pannakadundunor dagiti tallo.
Dagiti dua a driver ket nataming dagiti sugat ti bagi da idiay Bacnotan District Hospital bayat a ni Fuentes ket naiturong ken naagasan iti pribado nga ospital.
