BAUANG, La Union – Naiturong iti ospital dagiti tallo nga indibidual a nasugatan kalpasan iti panagdinungpar iti traysikel ken kotse iti kawatiwatan ti national highway idiay Barangay Dili, ili ti Bauang, La Union.
Naammuan ti Bombo Radyo manipud iti Bauang Police Station, daldalayasaten da Ronaldo Perez, 34, nagmaneho ti traysikel, residente ti Barangay Paringao; ken Roel Mason, 35, nagmaneho ti kotse, residente iti Barangay Pugo ti nasa met laeng nga ili, ti kalsada iti agsupadi a direksyon idi a nagdinnungpar dagitoy.
Maipagarup nga immagaw ti kotse iti linya ti traysikel isu a napasamak ti aksidente.
Gapu iti daytoy, naiturong a dagus idiay ospital ni Perez ken dagiti dua a pasaherona tapno mataming ti sugat a sinagrapda iti bagi.
Naiturong met iti kustodia ti pulisia ni Mason tapno maipasidong iti imbestigasyon.
