Tallo iti kumpirmado a natay bayat a dua iti nasugatan iti napasamak a pammaltog iti maysa a fishpond idiay Timako Hill, Barangay Kalanganan 2, Cotabato City.
Binigbig ti pulisya dagiti natay nga isuda Datu Maceda Taup Yusop, 53-anyos, negosyante ken maipagarop a kangrunaan a target; Mokamad Tabunaway Lanta ti Lebak, Sultan Kudarat; ken Reni Hamsa, maysa a mangngalap ken residente iti nasao a lugar.
Agdama met a maag-agasan idiay Cotabato Regional and Medical Center (CRMC) dagiti dua a nasugatan a trabahador a nabigbig laeng iti alyas Daryl ken Jun.
Iti eksklusibo nga interview ti Star FM Cotabato kenni PCapt. Steffi Salanguit, tagapagsarita ti Police Regional Office–BAR, kinuna na a nagkikita dagiti biktima ken dagiti suspek para iti maysa a transaksyon iti panaggatang dagiti produkto, idi kellaat a bimmaba manipud iti maysa a puraw a Toyota Hilux dagiti tallo nga armado a lallaki ken pinaltugan da dagiti biktima.
Segun kenni PCapt. Salanguit, mapatta-patta a lima dagiti suspek ken agtultuloy iti imbestigasyon dagiti otoridad.
