LA UNION – Arestado dagiti tallo a dayu a lallaki iti insayangkat nga anti-illegal drug buy bust operation iti nagtipon a puwersa dagiti otoridad iti Barangay Catbangen ditoy syudad ti San Fernando, La Union.
Nabigbig dagiti maibilang a newly identified drug personalities nga isuda Freddie Tuazon, 38, foreman; Domingo Truazon, 46, laborer; ken Jayson Nubradal, 38, laborer, agpapada a taga probinsiya ti Tarlac.
Iti nasao nga operasyon, nakumpiskaran dagiti dua a Tuazon iti pakabuklan a 3 plastic sachet iti maipagarop a shabu bayat a ni Nubradal ken nakumpiskaran iti dua a plastic sachet ti maipagarop a marijuana ken P500.00 a nagserbi a buy bust money.
Dagiti suspek ket nakatuding a maidatagan ti kaso a panaglabsing iti R.A. 9165
Dagiti tallo agraman dagiti nakumpiskar a droga ket adda ita iti custodiya ti San Fernando City Police Station para iti umno a disposisyon.
