LA UNION – Natay iti 3 nga agkakabsat nga ubbing kalpasan a malmes iti karayan a masakupan ti Brgy. Pugo, Bauang, La Union idi kalman, Agosto 23.
Dagiti biktima ket pakaibilangan iti singin nga isuda Renante Mazon ken Renante Mazon Jr. (4-anyos); ken Hannah Isabel Mazon, agtawen ti 2, residente iti nasao a lugar.
Maibasar iti inisyal nga imbestigasyon dagiti kameng ti Bauang Police Station, maipagarop a saan a nasiputan iti ama a kadwa dagiti ubbing a naturog idi malem kalman, a nakariing ken pimmanaw dagitoy a nagturong iti karayan.
Binirok ti ama dagiti annak na ngem napaay daytoy.
Base iti report, maysa a tricycle driver a residente iti nasao met laeng a lugar iti nakakita kadagiti tumtumpaw a bado ti ubbing iti karayan ngem awan iti nakita na a bagi ti tao.
Dagus a nagturong ti ama iti nasao a karayan ket nasarakan na dagiti ubbing a tumtumpaw.
Dagus a naiturong dagiti ubbing iti lying in clinic iti nasao a lugar ngem daksanggasat a natayen dagitoy.
Awan met iti indikasyon ti foul play iti nasao nga insidente.
Iti agdama, maiyur-urnos iti bangkay dagiti biktima iti maysa a punerarya idiay ili ti Bauang .
