LA UNION – Maur-uray iti resulta ti swab test dagiti tallo nga indibiduwal nga immunan a naipadamag a nagpositibo iti Covid 19.
Segun kenni San Juan Mayor Arturo Valdriz, agtaltalinaed iti isolation facility iti La Union Medical Center idiay Agoo La Union dagiti tallo a pasyente.
Maipalagip nga idi November 22, kinumpirma ti DOH Region 1 a nakailista ti tallo a baro a kaso ti covid 19 iti ili a San Juan, a pakaibilangan da:
1. Patient L, maysa a babai, 24-anyos, addaan ti travel history iti sabali a lugar
2. Patient M, maysa a lalaki, 23-anyos, ken adda nakapolapol na a tao a nagpositibo iti COVID 19
3. Patient N, maysa a lalaki, 40-anyos, addaan ti travel history
Gapu kadagiti nasao a baro a kaso, ket naminsan manen a napairutan dagiti maipatpatungpal a minimum health requirements, standards, ken protocols nga intuding ti Department of Health, tapno maliklikan iti panagwaras ti makapatay a virus.
