Pinasingkedan ti Health Ministry ti Venezuela a tallo nga indibidual iti pimmusay kalpasan a maalisan ti hantavirus iti estado ti Anzoátegui.
Im-imbestigaran met dagiti otoridad iti pannakatay dagiti dua nga health worker idiay Barinas, ngem inlawlawag da nga awan pay ti ebidensia a maikonkonektar kadagitoy a kaso kadagiti nailista nga impeksion idiay Anzoátegui ken awan met ti siyentipiko nga ebidensia ti human-to-human transmission ti hantavirus iti pagilian.
Segun ti Health Ministry, ti hantavirus ket kadawyan a maiyak-akar iti tao babaen dagiti otot, partikular kadagiti rural ken agricultural area, a mabalin a pakalang-aban dagiti particles manipud iti isbo, rugit, wenno kayat ti infected rodents kadagiti nakubong a lugar.
Kabayatanna, nileppasen idi napalabas a bulan ti U.S. Centers for Disease Control and Prevention (CDC) iti panagsungbat daytoy iti hantavirus outbreak nga adda pakainaiganna iti maysa a cruise ship idiay Estados Unidos.
Segun ti CDC, ti Andes virus laeng iti nailasin a klase ti hantavirus a mabalin a maipasa babaen ti asideg ken nabayag nga human-to-human contact.###
