LA UNION – Maisagsaganan ti kaso kontra ti maysa a drug personality kalpasan a maduktalan dagiti pulis dagiti shabu a nakalemmeng iti uneg ti balayna idiay ili ti Sudipen, La Union.
Nabigbig ti suspek a ni Aljon Arellano, residente ti nasao nga ili.
Sigun kenni S/Ins. Dominador Apostol, hepe ti Sudipen Police Station, saanda a nasangpetan ti suspek idiay balayna idi a maisayangkat ti seacrh operation.
Nakompiskar iti nasao a raid ti tallo a sachet a naglaon iti maatap a shabu.
Ti suspek ket nabayagen a subsubaybayan iti pulisya gapu ti nadakamat nga iligal nga aktibidad daytoy.
