LA UNION – Adda itan iti kustodia dagiti otoridad ken sumangsango iti kaskenan a kaso dagiti tallo a tattao a nakemmeg iti naisayangkat a buy bust operation idiay ili ti Sudipen, La Union.
Binibig ni PSI Dominador Apostol, hepe ti Sudipen Police Station dagiti suspek a da Mark John Esteban, 20; Roviniel Sanchez, 21-anyos, agpada a taga-Balik-Balik, Sampaloc, Manila; ken ni Antonio Arian, 37-anyos, at taga-Mabalacat, Pampanga.
Segun ken ni Apostol, naala manipud kadagiti tallo ti dua a marijuana bricks ken dua nga elongated marijuana stalks nga agdagsen iti innem a kilo.
Innayon pay ni Apostol a naggapo pay idiay ili ti Alilem, Ilocos Sur dagiti nakumpiskar a kontrabando.
