LA UNION – Inarestar dagiti otoridad iti tallo a tricycle driver gaputi iligal a panagsusugal dagitoy iti Barangay Canaoay, San Fernando City, La Union.
Dagiti naarestar ket pakaibilangan iti managan Ryan Paredo, 31, baro, residente ti Barangay San Agustin; Ruben Gurtiza, 37, addaan asawa, residente ti Barangay Parian; ken Reynaldo Magabilin, 40, agindeg ti Barangay San Vicente ditoy syudad.
Naduktalan ti panagsusugal dagitoy kalpasan ti insayangkat nga anti-gambling operation dagiti otoridad.
Kinumpiskar dagiti otoridad manipud kadagiti suspek iti playing cards ken pusta dagitoy a kuwarta.
Dagus a naiyindurso dagiti tallo iti San Fernando Police Station para iti umno a disposisyon.
