LA UNION – Kinumpirma ita ti lokal a gobyerno ti Naguilian, La Union iti ma-ikadua a kaso ti Covid 19 iti nasao nga ili.
Ti kabaruan a kaso ket maysa a 30 anyos a Seaman manipud Sitio Bliss, Barangay Baraoas Sur.
Ti pasyente ket agtaltalinaed nga ASYMPTOMATIC ken madama nga adda iti kustodiya ti Municipal Health Office idiay ili ti Naguilian.
Dagus met a naipatungpal ti LOCKDOWN iti nasao a Barangay.
Madama metten ti ar-aramiden a contact tracing kadagiti nakapulapol ti pasyente.
