Maawis dagiti 30 food stalls a makipaset iti Food Bazaar ti Rikna Ti Agkaysa 2026.
Maipasdek ti food bazaar kadagiddan dagiti aktibidad kas iti Battle of La Union Festivals, Street Dancing Competition, Mutia Ti La Union: 9th Talent Night, Elyulympics, Mutia Ti La Union: Coronation Night, ken La Union Agkaysa Concert.
Kasapulan nga agsubmitir dagiti aplikante dagiti sumaganad a requirements para ti aplikasion: Dua a valid government ID nga addaan photocopy, sample dagiti produkto, 2026 Business Permit, ken DTI permit.
I-fill up ti application form babaen ti online link nga inted dagiti organizers ken kumpleto nga isubmitir dagiti requirements iti LEEIPO Office a masarakan idiay La Union Agri-Tourism Center (Pasalubong Center), Siudad ti San Fernando, La Union, Pebrero 16, 2026, manipud alas-otso ti bigat aginggana alas-singko ti malem.
Mapakaammuan dagiti shortlisted applicants babaen ti email wenno text message, ken masapul nga agsubmitirda kadagiti sample products.
Maangay iti assessment ken validation dagiti application forms ken requirements manipud Pebrero 18, 2026.
Dagiti naaprobaran nga aplikante ket masapul a mangala ti Special Permit manipud ti City Government of San Fernando manipud Pebrero 18 agingga Pebrero 21, 2026.
Tunggal concessionaire ket maipaayan ti tolda, dua a lamisaan, ken uppat a tugaw. Nupay kasta, kasapulan ti ₱2,000 security deposit para iti orientation ken maisubli pito nga aldaw kalpasan ti panagrambak, basta maisubli ti alikamen iti nasayaat a kondision ken awan ti nadadael wenno saan a napukaw,
Nakatuding ti orientation dagiti concessionaires inton Pebrero 19, 2026, iti oras nga alas-10 ti bigat.
Para iti ad-adu pay nga impormasion, mabalin a kontaken ti Pasalubong Center iti numero a 0917-1093-295.###
