Maysa a private investment fund nga aggatad ti mapatta-patta a $300 billion iti maipagarup a karaman iti maysa nga U.S.-Iran framework agreement nga addaan panggep a gibusan iti gubat idiay Middle East.
Segun ti maysa a source nga adda ti direkta nga ammo na iti katulagan, panggep daytoy nga allukuyen iti Iran a magun-od iti naan-anay a kappia iti nagbaetan ti dua a pagilian, no sadino nasurok kagudua ti pondo ket naikumiten manipud kadagiti nadumaduma a pribado a kompania iti nadumaduma a rehiyon.
Maitukon ti pondo iti panagpuonan iti enerhiya, transportasion, manufacturing, logistics, ken panangpadur-as dagiti imprastraktura a nadadael ti gubat idiay Iran.
Nakalanad iti report nga iti “Reconstruction and Development Fund” ket masya a private investment vehicle ken saan a mangusar ti pondo ti gobierno.
Nupay kasta, awan pay ti opisial a kumpirmasion manipud ti Estados Unidos mainaig iti nasao nga investment fund.###
