Naananayen nga naideploy kadagiti bukod da nga area of responsibility dagiti 300 hired contact tracers iti probinsya ti La Union.
Idiay ili ti Rosario, La Union, pinasangbay iti lokal a gobyerno ti 17 a mainayon iti contact tracing team babaen iti naiganwat a courtesy visit.
Mamati ni Rosario La Union Mayor Bellarmin Flores nga agbalin nga epektibo ken efficient ti resulta na ti contact tracing iti nadakamat nga ili inkaso nga adda dagiti agpositibo iti Covid 19.
Pinasangbay met ni Bauang La Union Mayor Menchie De Guzman ti 22 a contact tracers.
Kinumpirmaran ni Department of Intererior and Local Governemtn Provincial Director Virgilio Sison nga idi pay aldaw ti Miyerkules nga naideploy dagitoy.
Maipalagip, dagiti kurso a pakaibilangan dagiti nagaplikar ket kabilang iti medical allied courses ken criminology graduate ngem adda dagiti saan nga nagturpos kurso a nakwalipika.
Umawat iti sweldo a P18,784 dagiti contact tracers nga kaibatogan iti Salary Grade 9.
Dagiti nadakamat a bilang ket karaman iti 10,136 a contact tracers a na-hire iti intero a pagilian a pagilian ken paset iti 50,000 a contact tracers a birbiruken iti DILG.
