LA UNION – Arestado ti maysa a babae a sumangsango iti kaso a Child Abuse idiay Luna, La Union.
Nabigbig daytoy a ni Rodelyn Roldan, 31, residente ti Barangay Napaset.
Naarestar isuna babaen iti bileg ti warrant of arrest nga impaulog ni Presiding Judge Ethelwolda Haravata ti Regional Trial Court Branch 34 idiay Balaon, La Union gapu ti kaso a panaglabsing iti section 10 ti RA 7610 nga napetsaan ti Agosto 14, 2018.
Iti agdama ket nakabalod ti suspek kalpasan nga mapaay a makabayad iti naituding a piyansa nga umabot ti P80,000.
