LA UNION – Nanayunan pay iti bilang dagiti Overseas Filipino Workers (OFWs) a nakaawiden kadagiti probinsiya ditoy Region-1 kalpasan a maapektaran ti trabaho da iti COVID 19 crisis iti ballasiw taaw.
Iti sidong ti “Hatid Sundo” Operations ti OWWA Region 1, addan ti pakabuklan a 318 a pinoy workers abroad iti nakasublin ditoy rehiyon.
Manipud iti nasao a bilang, 170 idiay Pangasinan; 66 ditoy La Union; 24 idiay Ilocos Sur; 51 idiay Ilocos Norte; ken 7 iti dadduma pay a.
Kabinnulig ti OWWA iti nasao a programa iti PNP, PCG, OCD, ken LGUs.
Dagiti OFW a nakasublin iti pamilya da ket dagiti nakakumpleto ti 14-days quarantine kas protocol ken naipaayan ti certification a dagitoy ket COVID negative.
