LA UNION – Nakailista iti 32 a registered voters iti Comelec Office ditoy syudad ti San Fernando, La Union iti umuna nga aldaw a panag-resume ti Voter Registration idi kalman, Setyembre uno.
Iti pannakiuman ti Bombo Radyo La Union kenni Atty. Jugeeh Almoite-Deinla, city election officer, kinuna na a kadagiti 32 a nagparehistro, kaadwan ket kabarbaro a botante bayat a dagiti dadduma ket nagpa-reactivate iti datus da iti komisyon.
Pinalagipan ni Atty. Deinla dagiti aplikante maipapan kadagiti baro nga annuruten ita a panawen ti pandemiya.
Kinuna na nga adda dagiti Anti-Covid precautions a nasken a suruten, kas koma iti panagsuot ti face mask, face shield, mangitugot ti bukod a ballpen, ken maipatungpal ti social distancing, isutgapuna a limitado laeng ti 10 nga aplikante iti mapalubusan a sumrek iti bisinidad ti comelec office.
Segun pay kenni Deinla, agitugot iti anyaman a valid ID para iti panag-rehistro.
Irek-rekomenda ti komisyon nga i-download ti application form manipud website ti COMELEC ken sungbatan dagiti impormasyon sakbay nga agturong iti opisina.
Maiyannurot iti Comelec Resolution No. 10674, ag-resume iti voter registration iti September 1, 2020 kadagiti lugar a nakapasidong iti ECQ ken MECQ malaksid laeng kadagiti areas a nakapasidong pay laeng iti Enhanced Community Quarantine (ECQ) wenno Modified ECQ gapwanan ti COVID 19 pandemic.
