LA UNION – Adda iti pakabuklan a 371 dagiti baro a promote a pulis iti Region 1.
Pormal a naiyawat kadakuada iti one rank promotion kasaruno ti panagsapata dagitoy iti sango ni PRO-1 Director Police Brigadier General Joel S. Orduña idi kalman (November 25) iti grandstand ti Camp Oscar Florendo, Parian San Fernando City, La Union.
Manipud iti nasao a bilang, 22 dagiti Police Commissioned Officers ti naital-o iti ranggo bayat a 349 dagiti na-promote a Police Non-Commissioned Officers.
Kaadwan a ngimmatu ti ranggo na ket Police Master Sergeant (PMSg) nga addaan ti bilang a 123 ken Police Staff Sergeant (PSSg) a 146.
Iti mensahe ni Gen. Orduña, binalakadan na dagiti baro a promote a pulis a pagtalinaeden iti propesyunalismo, agbalin a napudno ken sinsero iti panangipatungpal ti mandato dagitoy tapno maited ti kap-kapnekan a serbisyo iti ili.
