LA UNION – Naarestar dagiti 4 nga indibidwal gaputi iligal a panagkalap idiay Barangay Dalumpinas, San Fernando City, La Union, idi Hulyo 3, 2023 alas 6:00 ti sardam, babaen iti Seaborne Patrol Operation nga insayangkat ti La Union Maritime Police ken San Fernando City Police Station iti kabaybayan a sakop ti Barangay Dalumpinas.
Kadwa da pay iti nasao nga operasyon ti Philippine Coast Guard ken dagiti personnel ti Brgy. Lingsat Marine Protected Area Bantay Dagat.
Nagresulta ti operasyon iti pannakaarestar da: Roberto Lagao, 38-anyos, awanan asawa; Roel Estacio, 37-anyos, naasawaan; Edmundo Villanueva, 18-anyos; Pepito Rivera, 53-anyos, awanan asawa; ken Romeo Bucao, 41-anyos, naasawaan ken agpapada a residente ti Barangay Baybay, Sto. Tomas, La Union.
Naarestar dagitoy gapu iti panaglabsing iti Section 52 (Unauthorized Fishing or Engaging in other Unauthorized Fishery Activities) ken Sec. 56 (The Use of Compressor) ti Coastal Resource Management and Fisheries Code of 2010.
Nakumpiskar manipud kadakuada iti one-unit motorized bangka a mapattapatta nga agbalor ti P70,000, maysa a set ti fishing net a mapattapatta nga balor a P15,000; ken nasurok-kumurang 25 kilos ti assorted fish (Babayo ken Bisugo) a mapattapatta nga agbalor ti P6,600.
Naipasidong dagiti naarestar a mangngalap iti La Union Maritime Police ken nagpirma iti promisory note a saan dan nga uliten ti kapada a violation.
