LA UNION – Uppat a disso iti maibil-bilang a kritikal idiay ili ti Balaoan ita nga eleksiyon, gaputi nakaru a political rivaly dagiti agkakalaban a kandidato iti lokal a posisyon.
Kinuna iti Bombo Radyo La Union ni Pol. Major Juanito Buaron Jr. agdama a hepe ti Balaoan Police, dagiti lugar a maibilang a critical ket iti San Nicolas Academy (SNA) idiay Barangay Dr. Camilo Osias, Balaoan La Union agsipudta sadiay nga agbotos ni Mayor Aleli Concepcion, Board Member Carlo Concepcion, ken isuda SBM Hermosa ken Ledda.
Iti nasao a pagadalan ket adda history na a bombing incident idi 2010 elections.
Maikadwa a critical a lugar ti nasao nga ili ket iti Castor Z. Concepcion Memorial National High School idiay Barangay Antonino, Balaoan, La Union a nakapaltugan ni konsehal Rogelio Concepcion idi napan a lawas; maikatlo iti Balaoan National High School idiay Barangay Antonino a pagbotosan da Retired Gen. Pedro Ubaldo at runningmate na si Joaquin Ostrea; ken maikapat, idiay Barangay Pagleddegan, Balaoan, La Union.
Segun kenni Buaron, dagiti nasao a lugar ket nairut a mabantayan ken mamuntaran iti ad-adu a bilang dagiti pulis, suldado ken dadduma pay a force multipliers, tapno bantayan ti seguridad ken kinatalged dagiti botante ken dagiti agserbi iti eleksiyon.
Kabayatanna, awan met ti nagbalin a problema iti pannakai-danon dagiti 30 a Vote Counting Machines (VCMs) para iti 21 a polling precincts idiay Balaoan, La Union.
Dagiti nasao a VCMs ket binayabay dagiti kameng ti PNP, Phil. Army, ken sinabat dagiti mangisursuro nga agserbi kas board of election inspectors, agraman dagiti watchers dagiti kandidato.
Maipalagip a ti ili a Balaoan ket naipasidong iti red category iti Philippine National Police.
