LA UNION – Nagsagaba ti pannakadundunor iti uppat a tattao a pakaibilangan iti one-year old a maladaga ken dua a menor de edad iti napasamak nga aksidente idiay Barangay Nalvo Norte, Luna, La Union.
Karaman a nadun-dunor iti dua a menor de edad a nagkalubbon iti motorsiklo a nangdungpar iti ag-ama a ni Abraham Apilado,38 kadwa na iti maladaga pay laeng nga anak na
Pada-pada dagitoy a naiturong idiay Balaoan District Hospital ngem nakaruaren dagiti menor de edad, malaksid ni Apilado.
Adda metten iti natalged a kondisyon iti maladaga kalpasan a sinalakniban ti ama na.
Base iti report, agtur-turong iti amianan a direksiyon ti motorsiklo idi maipagarop a saan da a nakita iti ag-ama a bumallasiw iti kalsada, a nagresulta iti aksidente.
