Nasugatan ti uppat nga tattao iti napasamak nga aksidente iti nagduma a lugar ditoy La Union.
Nabigbig dagiti biktima a da Carl Viray, 29, residente ti Barangay Central East, iti ili ti Bangar, ag-asawa a Julius ken Laila Aspiras, agpada nga residente ti Barangay San Isidro ken Allan Diogracia, ti Barangay San Manuel Norte iti ili met ti Agoo.
Immuna ditoy, turturongen ni Viray ti Luna-Bangar Road idi mapukawan ti kontrol iti manmanehuen na motorsiklo a nagbanag ti pannakaidungpar na iti kontreto nga paso.
Naduktalan met a nakainom daytoy bayat iti pannakatameng na iti Bungol District Hospital idiay ili ti Balaoan.
Kabayatan na, nag-vertake met ni Aspiras bayat a daldalyasaten na ti kalsada idi kellaat laengen a nagdinnungparda da ti motorsiklo ni Diogracia.
Agpapada a naiturong iti La Union Medical Center idiay Barangay Nazareno iti ili ti Agoo dagiti biktima tapno maagasan dagiti sinagabada nga sugat.
Agtultuloy met ita ti imbestigasyon dagiti otoridad mainaeg ti nasao nga insidente.
