LA UNION – Inaresto iti pulisya dagiti uppat a tattao a maipagarup nga agsusugal idiay Barangay Paraoir, ili ti Balaoan, La Union.
Naammuan ti Bombo Radyo manipud ti Balaoan Police, nakompiskar manipud kadagiti nasao nga indibidual ti maysa a majong set ken aganay P2500 a kwarta a taya dagitoy.
Sumangsango iti kaso a panaglabsing ti Anti Gambling Law kadagiti naaresto nga agsusugal.
