Arestado dagiti uppat nga indibidual babaen ti maisayangkat nga anti-illegal gambling operation ti pulisya idiay Barangay Catbangen, syudad ti San Fernando, La Union.
Naammuan ti Bombo Radyo manipud ti San Fernando City Police, naaktuan dagiti suspek a madama nga agay-ay-ayam iti majong isu a natiliw dagitoy.
Malaksid kadagiti pityas iti majong, innala met ti pulisya iti P800 a kwarta a pagtaytaya dagitoy tapno agpaay kas ebidensya kontra kadagiti suspek.
Kaso a panaglabsing ti Anti-gambling law ti reklamo a sangsanguen dagiti uppat a natiliw.
