LA UNION – Uppat manen a rebelde iti kauddian a simmuko iti militar idiay Bulacan ken Nueva Ecija.
Daytoy ti kinumpirma iti Bombo Radyo La Union ni Major Amado C. Gutierrez, Officer-in-Charge iti Division Public Affairs Office (DPAO), 7ID, PA.
Segun kenni Gutierrez, dagiti simmuko nga NPA ket remnants wenno nabatbati a miyembro iti Komiteng Larangang Gerilya Caraballo, a na-dismantle babaen ti militar idi napan a tawen.
Impannakkel ti opisyal a kimmapsoten iti puwersa ti NPA iti Central Luzon kalpasan iti nagsasaruno a pannaka-arestar dagiti top commanders ti grupo idiay Rizal ken Quezon City idi 2019.
Malaksid laeng kunana iti panag-surrender dagiti nasurok 1,000 nga NPA rebels idi 2019 bayat nga adda metten iti pakabuklan a 548 a miyembro ken supporters ti simmuko iti gobyerno, manipud Enero agingga Hunyo ita a tawen.
Naamwan a pakabuklan a P115,000 iti maawat a cash aid iti maysa a rebel returnee, nu adda iti isuko na nga armas.
Kabayatanna, iti puntirya ti militar ket iti ma-dismantle dagiti guerilla group iti nagbeddengan ti Ilocos Region ken Mountain Province.
