Ipatulod ti Pilipinas dagiti 40 portable power generators tapno makatulong kadagiti komunidad nga apektado iti agtultuloy a panagraut kadagiti imprastraktura ti enerhiya idiay Ukraine.
Dagiti Daiden generators, nga addaan kapasidad a tig-6 kilowatts tu tunggal maysa, ket nasakasangpet iti hub ti Ministry of Energy ti Ukraine idi Agosto 12.
Mausar dagitoy para ti sibilyan a kas backup power kadagiti napapateg a pasilidad iti komunidad.
Nangrugi iti humanitarian initiative kalpasan iti panagtaripnong idi Pebrero da Ukrainian Ambassador Yuliia Fediv ken ni Senador Erwin Tulfo, a nagbinnulig tapno maileppas ti proyekto.
Impaay met ti Highball Traders Incorporated dagiti generators a naipatulod manipud ditoy Pilipinas agturong ti Port of Gdansk idiay Poland.
Kasaruno na ket naipatulod dagitoy idiay Ukraine babaen ti resc-EU Donations Scheme ti European Union Civil Protection Mechanism, kabinnulig ti Governmental Strategic Reserves Agency ti Poland.
Manamnama a makatulong dagiti generators a mapagtalinaed iti suplay ti kuryente ken suportaran dagiti komunidad a maituloy dagiti napapateg a serbisyo kabayatan a saan pay a nalnalpas iti gyera ti Ukraine ken Russia.
